Marrëdhëniet dypalëshe
Që prej shpalljes së pavarësisë së Kosovës, marrëdhëniet dypalëshe mes dy anëve të kufirit janë rritur nga viti në vit. Institucionet e ndryshme të Shqipërisë dhe të Kosovës kanë vendosur një bashkëpunim reciprok. Këto marrëdhënie janë konkretizuar me firmosjen e mbi 50 marrëveshjeve. Mbledhjet e përbashkëta të të dy qeverive kanë qenë një risi pozitive në intensifikimin e mëtejshëm të bashkëpunimit.
Duke filluar nga viti 2014 dhe në vazhdim, janë zhvilluar 3 mbledhje të përbashkëta. Kështu, mbledhja e parë daton në vitin 2014 në Prizren, e dyta në vitin 2015 në Tiranë dhe pritet që mbledhja e tretë të organizohet me 3 qershor të viti 2016 në Prishtinë. Këto mbledhje synojnë rritjen e një bashkëpunimi efikas në të gjitha fushat.
Në këtë kuadër bashkëpunimi, rritja e shkëmbimeve tregtare ngelet boshti kryesor i marrëdhënieve të ndërsjellta, kështu, energjia, turizmi, bujqësia, industritë e ndryshme janë disa nga fushat më të rëndësishme të bashkëpunimit. Shqipëria dhe Kosova kanë unifikuar nisma të ndryshme rajonale. Shqipëria ka mbështetur fuqishëm të gjitha proceset e përfshirjes së Kosovës në organizmat rajonale dhe më gjerë.
Zbulo më shumë për shërbimet e Ambasadës
Zbulo më shumë për trokitjen virtuale
